Արմավիրի մարզում հուլիսի 1-ին ավտոմեքենաների այրվելու հետեւանքով տուժած քաղաքացիներից երեքը տեղափոխվել են Երեւան՝ Ճառագայթային բժշկության եւ այրվածքների հանրապետական գիտական կենտրոն:
Տուժածներից մեկը հիվանդասենյակում է, երկուսը՝ 31-ամյա Խդր Խալիլյանը եւ 24-ամյա Կնյազ Ուսոյանը վերակենսդանացման բաժանմունքում:
«Դեմքի եւ վերին վերջույթների այրվածքներ են ստացել, կայուն վիճակում են»,- տեղեկացրին Վերակենդանացման բաժանմունքից:
Ավելի վաղ NEWS.am-ը հայտնել էր, որ հուլիսի 1-ին՝ կեսօրին Արմավիրի մարզի Նորապատ գյուղում մեքենաներ են այրվել: «ԶԻԼ» մակնիշի 34 FQ 007 պետհամարանիշի ավտոմեքենան ընթացքի ժամանակ հրդեհվել էր, այնուհետեւ վարորդը՝ Խ. Խ.-ն, փորձել էր կայանել մեքենան «ՎԱԶ-2106» 34 AM 178 պետհամարանիշի (վարորդ՝ Է. Բ.) մակնիշի ավտոմեքենայի կողքին, ինչի հետեւանքով այն նույնպես հրդեհվել էր:
Հրդեհի հետեւանքով «ԶԻԼ» եւ «ՎԱԶ-2106» մակնիշի ավտոմեքենաներն ամբողջությամբ այրվել էին: