Թուրքիայի արտգործնախարար Ահմեդ Դավութօղլուն այսօր՝ հոկտեմբերի 6-ին հանդես է եկել հայտարարությամբ, որում հերքել է Ադրբեջանի հետ հարաբերությունների կտրուկ վատացման փաստը, որի պատճառը այդ երկրում թուրքական դրոշն օգտագործելու արգելքն է:
Թուրքիայի ԱԳՆ ղեկավարը ստիպված է եղել արդարանալ, երբ թուրքական մի շարք լրատվամիջոցներ, վկայակոչելով ադրբեջանական լրատվամիջոցները, տեղեկություն են տարածել, թե հանրային տանսպորտից հանվում են Թուրքիայի դրոշները:
Դավութօղլուի խոսքով, Ադրբեջանի եւ Թուրքիայի դրոշները միանման կարեւորություն են ներկայացնում, հաղորդում է Timeturk կայքը: