Չարագործները Apple iCloud ծառայությունից 40 մլն հաշիվ են գողացել, հայտնում է CSO Online–ը։
Օգտատերերն արդեն սկսել են բողոքել, որ իրենց iOS սարքը արգելափակվել է։ Արգելափակումն իրականացվել է «Գտի՛ր iPhone» ծառայության միջոցով։ Արգելափակման հետ մեկտեղ հեռախոսներին ռուսերենով հաղորդագրություն է եկել, որով արգելաբացման համար 50 դոլար են պահանջել։
Անվտանգության մասնագետները նշում են, որ հաշիվները կարող էին գողանալ տվյալների միջոցով, որոնք ցանցահենները կարողացել են ստանալ այլ ծառայությունների վրա հարձակումների հետեւանքով։ Նման ճանապարհով հաշիվներն հասանելի են դառնում միայն այն ժամանակ, երբ iCloud–ի գաղտնաբառը համընկնում է այլ ծառայության գաղտնաբառի հետ։