Ապրիլյան պատերազմն ազդեցություն ունեցել է արտասահմանից Հայաստան ներդրումների վրա: Այս մասին այսօր` հուլիսի 15-ին, լրագրողների հետ զրույցում ասաց ՀՀ ԱԳ փոխնախարար Ռոբերտ Հարությունյանը:
«Միանշանակ, ապրիլյան պատերազմն ազդեց ներդրումների վրա: Գործարարի տեսանկյունից դա խնդիրներ է ստեղծում, հատկապես երբ իրենք չեն խորանում իրավիճակի մեջ եւ սկսում են մտածել, որ անկայունություն է ենթադրում այստեղ ներդրում անելը»,- ասաց Ռոբերտ Հարությունյանը:
Ռոբերտ Հարությունյանը նշեց, որ դիվանագիտական կորպուսը պետք է ավելի մեծ ջանքեր գործադրի այս խնդիրը կարգավորելու համար:
«Պետք է բացատրենք իրենց, որ իրադարձությունները Հայաստանում չեն եղել, Հայաստանը բարենպաստ միջավայր է ներդրումների համար»,- ասաց նա:
