Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին հայտարարել է, թե հիմա թուրք խռովարարները չեն կարող պետական հեղաշրջում կազմակերպել, սակայն ապագայում զինվորականները, միեւնույնն է, կվերցնեն իշխանությունը, հայտնում է «360» հեռուստաալիքը:
Լիբերալ-դեմոկրատների առաջնորդի կարծիքով՝ հեղաշրջումը չի ստացվել, քանի որ դրա կազմակերպիչները՝ հիմնականում մայորներ, փոխգնդապետներ, քիչ ազդեցություն են ուենցել զորքի վրա: Նախկինում պետական հեղաշրջումներ էր կազմակերպում Գլխավոր շտաբի պետը:
«Հիմա նրանց հաշվարկները սխալ դուրս եկան, բայց 2-3 տարուց դա տեղի կունենա: Քանի որ Թուրքիայի իսլամականացում է ընթանում, իսկ երիտասարդները դա չեն ուզում, սպայական կորպուսը դա չի ուզում: Կաշառակերությունը ահավոր է, իսկ իշխանության գլուխ միեւնույն կուսակցությունն է ու նույն առաջնորդը»,- ասել է նա:
