ՄԱԿ տվյալներով՝ 2030 թվականին գլոբալ տաքացման տարեկան վնասը համաշխարհային տնտեսության համար կկազմի 1,5 տրլն ֆունտ ստերլինգ (2 տրլն դոլար), փոխանցում է Independent-ը:
Դա տեղի կունենա բնակչության աշխատանքի արտադրողականության նվազման հաշվին: Սաստիկ շոգի պատճառով կդժվարանա աշխատանքի շատ տեսակների կատարումը, հատկապես՝ գյուղատնտեսական:
Պարբերականի տեղեկություններով՝ արտադրողականության անկման հետեւանքով ՀՆԱ նվազում կնկատվի 43 երկրներում, հիմնականում Ասիայում. Հնդկաստանում տարեկան վնասը կկազմի 340 մլրդ ֆունտ, Չինաստանում՝ 188 մլրդ, Մալայզիայում՝ 188 մլրդ եւ Թաիլանդում՝ 113 մլրդ:
Մինչդեռ Ռուսաստանում, Նորվեգիայում եւ Շվեդիայում հակառակը՝ կարող են արտադրողականության նվազումից տուժել ձմռան սեզոնին ջերմաստիճանի անկումից։
ԱՄՆ-ի Օվկիանոսագիտության եւ մթնոլորտի հետազոտության ազգային վարչության տվյալներով՝ 2016 թվականը կարող է լինել ամենաշոգը արդի պատմության ամբողջ ընթացքում: