ԱՄՆ հետաքննությունների դաշնային բյուրոն (ՀԴԲ) 10 հազար դոլարի պարգեւատրում է խոստանում զենքի գտնվելու վայրի մասին ցանկացած տեղեկության համար, որը գողացել էին իր աշխատակցի մեքենայի միջից: Այս մասինն հայտնել է իրավապահ մարմինների մամուլի ծառայությունը, փոխանցում է ՏԱՍՍ-ը:
Ինչպես պարզաբանել են ՀԴԲ-ից, 2016 թ. հուլիսի 10-ին՝ ժամը 12-14-ի միջակայքում անհայտ անձինք ՀԴԲ աշխատակցի մեքենայի միջից գողացել են զենք եւ համապատասխան սարքավորում: Կողոպուտը տեղի է ունեցել ԱՄՆ մայրաքաղաքում՝ ԱՄՆ Կոնգրեսի շենքից 1,5 կմ հեռավորությամբ: Գողոնի մեջ եղել են ինքնալիցքավորվող Glock 22 ատրճանակ՝ իր պատյանով եւ երկու տուփ փամփուշտով, ինքնալիցքավորվող LAR-15 հրացան, Motorola APX-7000 ռադիոկապ, ծալվող ոստիկանական մահակ, ինչպես նաեւ տեսողության եւ լսողության պաշտպանման միջոցներ:
