Ոստիկանությունը հրապարակել է զինված խմբի կողմից մեքենայի հրդեհման տեսանյութը։
«ՀՀ ոստիկանության պարեկապահակետային գնդի տարածք մտած զինված խումբը քիչ առաջ այրել է գնդի ծառայողական մեքենաներից մեկը եւ վառվող մեքենան դուրս բերել փողոց:
Իրավապահ մարմինները կրկին կոչ են անում զինված խմբի անդամներին՝ ձեռնպահ մնալ այնպիսի գործողություններից, որոնք կարող են վտանգել քաղաքացիների կյանքն ու առողջությունը եւ լարվածության աճի պատճառ դառնալ»,- ասվում է ոստիկանության հաղորդագրության մեջ։
Նշենք, որ «Հիմնադիր խորհրդարանի» անդամ Ալեք Ենիգոմշյանն այդ կապակցությամբ ասել էր. ««22 ժամ է՝ տղաները սնունդ չեն ստացել։ Արտաքին կապն իրենց հետ թույլ է շատ։ Գումարած դրան այնտեղ կա վիրավոր երեկվա ժամը 24․00-ից սկսած բժիշկ չի մոտենում։ Չկա նաեւ հոսանք։ Ի բողոք այս վերաբերմունքի այդ տարածքի մոտակայքում քիչ առաջ ոստիկանական մի գազել վառվեց»։