Թուրքիայում ռազմական հեղաշրջման փորձից հետո ձերբակալվել է 62 երեխա, որոնք մինչ օրս պահվում են բանտերում եւ չեն կարող կապվել իրենց ծնողների հետ, գրում է The Telegraph-ը:
Խոսքը Kuleli ռազմական դպրոցի աշակերտների մասին է, որոնց ձերբակալել են պետության դեմ դավադրության կասկածանքով: Նրանց փաստաբանների խոսքով՝ ըմբոստությունից առաջ 14-17 տարեկան դեռահասներին ստիպել են կամուֆլյաժ հագնել եւ չլիցքավորված զենք վերցնել:
Որոշ սաների ծնողներ հայտարարել են, որ իրենց երեխաներին այդ օրը կանչել են դպրոց՝ խոստանալով հայտնի ֆուտբոլիստների հետ հանդիպում։