Ռուսաստանը ու Թուրքիան պայմանավորվել են ԱԳՆ ու իրավապահ մարմինների մակարդակով խորհրդակցություններ վարել Թուրքիայի համար վիզների չեղարկման հարցով: Այս մասին լրագրողներին հայտնել է ՌԴ փոխվարչապետ Արկադի Դվորկովիչը, հայտնում է «ՌԻԱ Նովոստին»:
«Պայմանավորվել ենք արտգործնախարարությունների ու իրավապահ գործունեությամբ զբաղվող իրավասու մարմինների միջեւ խորհրդակցություններ անցկացնելու մասին: Մենք պետք է ապահովենք անհրաժեշտ երաշխիքներ, որ Ռուսաստան չմտնեն անձինք, որոնք մասնակցություն ունեն ծայրահեղական, ահաբեկչական գործունեությանը: Երբ համապատասխան ծառայությունների միջեւ ձեռք բերվի փոխըմբռնում այս թեմայով, այդ ժամանակ էլ հնարավոր կլինի նախապատրաստել որոշումը վիզային սահմանափակումները չեղարկելու մասին»,- ասել է նա:
