Եթե ԱՄՆ նախկին պետքարտուղար Հիլարի Քլինթոնը ընտրվի երկրի նախագահ, նրա ամուսինը՝ Բիլ Քլինթոնը, չի կարողանա Սպիտակ տանը մասնակցել հանդիպումներին եւ ժողովներին եւ առավելագույնս կզրկվի կնոջ որոշումների վրա ազդելու հնարավորությունից, փոխանցում է The New York Times-ը՝ վկայակոչելով պետության ղեկավարի թեկնածուի խորհրդականին:
Պարբերականի տեղեկություններով՝ ԱՄՆ նախկին նախագահ Բիլ Քլինթոնին չեն հրավիրի Սպիտակ տուն՝ կառավարության անդամների նիստերին եւ իրավիճակային սենյակում ընթացող խորհրդակցություններին: Բացի այդ, շենքի արեւմտյան թեւում չեն տրամադրի առանձին աշխատանքային հաստատություն, որտեղ տեղակայված է պետության ղեկավարի օվալաձեւ աշխատասենյակը:
«Գործող եւ նախկին նախագահների փոխհարաբերություններն իրենցից շատ նուրբ հարց կներկայացնեն»,- կարծում է մի շարք նախագահների խորհրդական Դեւիդ Ջերգենը:
Նրա կարծիքով՝ Քլինթոնը կցանկանա վերաշարադրել իր նախագահության պատմությունը՝ ազդեցություն գործելով կնոջ վրա։