Գերմանիան ԵԱՀԿ–ում նախագահության շրջանում որոշել է կենտրոնանալ ԵԱՀԿ տարածքում չլուծված հակամարտությունների, այդ թվում՝ Լեռնային Ղարաբաղի եւ Մերձդնեստրի խնդիրների վրա։ Այս մասին ասել է ԵԱՀԿ նախագահ, Գերմանիայի արտգործնախարար Ֆրանկ Վալտեր Շթայնմայերը, փոխանցում է ՏԱՍՍ–ը։
«Մոլդովան եւ Մերձդնեստրը պետք է ամրապնդեն վստահությունը, բովանդակալից դարձնեն բանակցությունները»,– նշել է նախարարը։ Նա Մերձդնեստրի կարգավորման շուրջ «5+2» ձեւաչափով (Մոլդովա, Մերձդնեստր, ԵԱՀԿ, Ռոըսաստան, Ուկրաինա եւ ԱՄՆ–ի ու ԵՄ–ի դիտորդներ) բանակցությունների վերականգնումն անվանել է հակամարտության լուծման կարեւոր փուլ։
«Միայն եթե կողմերը միասին համաձայնեցնեն գործնական հարցերի լուծումները, հնարավոր կլինի վերականգնել վստահությունը եւ դրական դինամիկա գրանցել հակամարտության կարգավորման մեջ»,– ասել է նախարարը։
Նա նշել է, որ Գերմանիան ԵԱՀԿ–ում նախագահության շրջանում որոշել է կենտրոնանալ ԵԱՀԿ տարածքում չլուծված հակամարտությունների, այդ թվում՝ Լեռնային Ղարաբաղի եւ Մերձդնեստրի խնդրի վրա։
