Թուրքիայում հուլիսի 15–ին իրականացված ռազմական հեղաշրջման փորձին մասնակցել է 8 հազար 651 զինվորական։ Նման հայտարարություն է արվել Թուրքիայի զինված ուժերի մամուլի ծառայության կողմից։
Թուրքական Cumhuriyet–ի փոխանցմամբ՝ Թուրքիայի զինված ուժերի կողմից տարածած հայտարարության մեջ նշվել է, թե հեղաշրջման փորձի ժամանակ օգտագործվել է 35 ռազմական օդանավ, 37 ուղղաթիռ, 74 տանկ, 3 նավ եւ այլ փոքր չափերի զինտեխնիկա։
«Թուրքիայում հուլիսի 15–ին իրականացված ռազմական հեղաշրջման փորձին մասնակցել է 8 հազար 651 զինվորական։ Այդ թիվը կազմում է զինված ուժերի 1,5 տոկոսը»,–նշվել է հայտարարության մեջ։
