Արեւմտյանի Օնտարիոյի համալսարանի գիտնականները կատարած հետազոտությամբ պարզել են, որ ավելի մանր մսակերները, օրինակ՝ եվրոպական փորսուղը, մարդուց ավելի շատ են վախենում, քան արջից, գայլից եւ այլ խոշոր գիշատիչներից, փոխանցում է Behavioral Ecology-ն:
Հետազոտողները պնդում են, որ հիմա մարդիկ ավելի հաճախ են սպանում ավելի փոքր գիշատիչներին, որը նրանց ներշնչում է, որ մարդն ավելի սարսափելի է մյուս թշնամիներից: Գիտնականները նաեւ փորձով ցուցադրել են, որ մանր գիշատիչները, ինչպիսիք են՝ աղվեսը, ջրարջը եւ փորսուղը, որոնց կարելի է վարժեցնել, նույնիսկ ընտելացման պայմաններում աճող սարսափ են ապրում մարդու հանդեպ:
Հետազոտությունը կատարվել է Օքսֆորդի (Մեծ Բրիտանիա) քաղաքամերձ անտառներում, որի ընթացքում գիտնականները հետեւել են եվրոպական փորսուղներին՝ հնչեցնելով տարբեր խոշոր գիշատիչների ձայների ձայնագրություններ: Սակայն ավելի ուշ գիտնականները պարզել են, որ կենդանիներին ավելի մեծ վախ են պատճառել մարդկային ձայները՝ ստիպելով փորսուղներին կերակուրը թողնել եւ հեռանալ:
