Առողջապահության նախարարության պաշտոնական կայքէջում հրապարակվել են այն բժիշկների լուսանկարները, որոնք հուլիսի 27-ի լուսադեմից գտնվում են ոստիկանության ՊՊԾ գնդի տարածքում։
Նշենք, որ ոստիկանության պաշտոնական հայտարարության համաձայն՝ բժիշկների պատանդ են պահում «Սասնա ծռեր» խմբի անդամաները։ Իսկ Հիմնադիր խորհրդարանի ներկայացուցիչ Ալեք Ենիգոմշյանը պնդում է, որ նրանք պատանդներ չեն, եւ «Սասնա ծռեր» խումբը պատրաստ է նրանց բաց թողնել, եթե առողջապահության նախարար Արմեն Մուրադյանի գլխավորությամբ փոխարինող բժիշկների խումբ այցելի՝ ՊՊԾ գնդի տարածք։
Հիշեցենենք, որ ոստիկանության պաշտոնական հաղորդագրության համաձայն՝ հուլիսի 27-ի գիշերը ՊՊԾ գնդի տարածքում ոստիկանության եւ «Սասնա ծռր» խմբի միջեւ տեղի ունեցած փոխհրաձգության հետեւանքով վիրավորվել է իրավապահներից մեկը, ինչպես եւ Պավել Մանուկյանն ու նրա որդի Արամը:
Իրավապահներին են հանձնվել զինված խմբի անդամներ Գագիկ Եղիազարյանն ու Արամ Հակոբյանը: Ըստ պպաշտոնական տվյալների՝ վիրավորվել են եւս երկու հոգի, սակայն խմբի անդամները նրանց չեն հանձնում։
Ավելի վաղ առողջապահության նախարարությունը հայտնել էր, թե իրենց մասնագիտական պարտքը կատարելու նպատակով ՊՊԾ գնդի տարածք մուտք գործած «Շտապօգնություն» ՓԲԸ բուժաշխատողների` երկու բժշկի` Նորայր Թեւանյանին ու Սալվադոր Խեչոյանին, բուժակ Դավիթ Տոնոյանին, բուժքույր Մալինա Մարգարյանին զինյալ խմբի անդամները պատանդ են վերցրել: