Արաբական Միացյալ Էմիրություններից (ԱՄԷ) զբոսաշրջիկներն ուղեւորությունների նոր երթուղիներ են որոնում, այդ թվում՝ դեպի Վրաստան եւ Հայաստան:
Տեղական տուրգործակալներից մեկի խոսքով՝ տնտեսական իրավիճակի հետ կապված՝ սկսել են ավելի մեծ հետաքրքրություն ներկայացնել բյուջետային տուրփաթեթները:
Ըստ The Gulf News-ի, ԱՄԷ-ի բնակիչները սկսել են երթուղիներ ուսումնասիրել, որոնք մասին նախկինում չէին էլ լսել: Նոր սերնդի ճանապարհորդներն ավելի ու ավելի քիչ են հետաքրքրվում ծովափնյա հանգստով՝ նախընտրելով անհայտ երկրներ եւ քաղաքներ բացահայտել:
Տուրգործակալ Մարիամ Կապասիի խոսքով՝ հատկապես տարածված են դեպի Վրաստան, Հայաստան, Սինգապուր, Թայլանդ, Մալազիա եւ Մալդիվներ ուղղությունները:
Գործակալությունները նոր բյուջետային ուղղություններ են ներկայացնում, որտեղ հանգստի համար կարելի է ծախսել 3000 դիրհամից (շուրջ 820 դոլար) պակաս: Բյուջետային ուղղություններից են Հայաստանը (շուրջ 410 դոլար), Վրաստանը (430 դոլար), Ադրբեջանը (490 դոլար):
