«Ազգային ինքնորոշում» միավորման ղեկավար Պարույր Հայրիկյանը հուլիսի 28-ին կայացած մամուլի ասուլիսին նորից ուրախացրեց լրագրողներին՝ շեղվելով արդիական թեմաներից եւ խոսելով իր անձի եւ գործունեության նշանակության մասին։
Անդրադառնալով հարցին, թե ինչ է պետք սպասել Խորենացի փողոցում, Հայրիկյանը պատասխանեց, որ այնտեղ հավաքվող ակտիվիստները սեփական կուսակցությունները չեն ստեղծում, սակայն փորձում են մտնել քաղաքական հարթակ մտնել, եւ դա, ըստ նրա, տարօրինակ է։ «Իսկ ահա իմ սեփական կուսակցությունը Հայաստանում ստեղծվածներից ամենահինն է, այն հիմնվել է դեռ 50 տարի առաջ»,– ասաց Հայրկյանը՝ մոռանալով 19-րդ դարի վերջին ստեղծված ավանդական հայկական կուսակցությունների մասին։
Հարցին, թե ինչ է նա մտածում Խորենացի փողոցի ակտիվիստների պլանների եւ գործունեության մասին, Հայրիկյանը նշեց, որ ինքը շատ համեստ է եւ ինքը ոչինչ չի սկսում։ Բոլոր որոշումները պետք է կայացվեն միասին։ Սակայն նա նշեց, որ իր մասնակցության շնորհիվ հնարավոր եղավ երեկվա հանրահավաքը Խորենացի փողոցից տեղափոխել Ազատության հրապարակ։
Պարույր Հայրիկյանը նշել է «Քաղաքացիական պայմանագիր» կուսակցության առաջնորդ Նիկոլ Փաշինյանի հետեւողականությունը եւ դերը։ Այստեղ Հայրիկյանը ուշադրություն հրավիրեց այն հանգամանքի վրա, որ Նիկոլ Փաշինյանի կյանքը բոլորովին այլ կերպ կդասավորվեր, եթե նա ժամանակին քվեարկեր իր օգտին։ Հետո նրա ելույթը շարունակվեց լատինաամերիկյան սերիալի ոճով։ «Նիկոլ Փաշինյանն ունի նաեւ կենսաբանական ծնողներ, սակայն նա Լեւոն Տեր–Պետրոսյանին իր քաղաքական ծնողն է համարում։ Ես ուզում եմ մի դեպք հիշել 1990-ականներից։ Այն ժամանակ Փաշինյանը դեռ լրագրող էր եւ եկել էր ինձնից հարցազրույց վերցնելու։ Եվ այն ժամանակ նա ասաց. «Գիտեք, իմ ծնողները Ձեր օգտին են քվեարկել»։ Ես հարցրի՝ իսկ դու՞։ Նա ժպտաց։ Երեւի թե Տեր–Պետրոսյանի օգտին էր քվեարկել։ Իսկ եթե իմ օգտին քվեարկեր, նրա կյանքը բոլորովին այլ կերպ կդասավորվեր»,– ասել է Հայրիկյանը։
