Իրանում մի խումբ կանանց են ձերբակալել՝ Մերիվան քաղաքում հեծանվով զբոսնելու համար: Ոստիկանությունը հայտարարել է, որ կառավարության սահմանած նոր կարգի համաձայն՝ կանանց արգելվում է հանրային վայրերում հեծանիվ քշել. դա կարելի է անել միայն կանանց համար նախատեսված զբոսայգիներում: Այս մասին գրում է News.ru-ն՝ վկայակոչելով բրիտանական Independent-ը:
Ձերբակալվածներից ստորագրություն են վերցրել այն մասին, որ այլեւս նման բան չեն անի: Ձերբակալվածների թիվը չի նշվում:
Իրանի Դիմադրության ազգային հանձնաժողովի կայքի համաձայն, 2016 թվականի մայիսին քաղաքի փողոցներում հեծանվով կանանց երթեւեկն արգելող հատուկ նշաններ են հայտնվել: Նշվում է նաեւ, որ միայն կանանց համար հատուկ ավտոբուսներ են հայտնվել:
Հավելենք, որ Իրանում արդեն բազմաթիվ տարիներ կանայք մետրոյում առանձին վագոններ են նստում: