Կիեւը բողոք է արտահայտել ՌԴ Հարավային դաշնային օկրուգի կազմում Ղրիմը ներառելու կապակցությամբ: Երկրի ԱԳՆ-ն Ռուսաստանին բողոք է ուղարկել այն բանից հետո, երբ ՌԴ նախագահ Վլադիմիր Պուտինը ստորագրել է համապատասխան հրամանը:
«Ուկրաինայի արտգործնախարարությունը վճռական բողոք է արտահայտում Ղրիմի ինքնավար հանրապետության ու Սեվաստոպոլ քաղաքի տարածքը Հարավային դաշնային օկրրուգի կազմում ներառելու որոշման կապակցությամբ: ԱԳՆ-ն հերթական անգամ Ռուսաստանին կոչ է անում վերադառնալ իր միջազգային պարտավորությունների կատարմանը, դադարեցնել ագրեսիան: Ուկրաինայի ԱԳՆ-ն վերոնշյալ որոշմանն կապակցությամբ համապատասխան նոտա է ուղարկել Ռուսաստանին»,- ասվում է Ուկրաինայի ԱԳՆ հայտարարության մեջ: