ՄԱԿ գլխավոր քարտուղար Բան Կի Մունը Ինդոնեզիայի կառավարությանը կոչ է արել չեղարկել այս շաբաթ պլանավորված 14 մահապատիժները, որոնց դատապարտվել են բանտարկյալները թմրանյութերի հետ կապված հանցագործությունների համար։ Դատավճիռները պետք է իրականացվեն Նուսա Կամբանգան կղզու հատուկ ռեժիմով բանտերում։
Բան Կի Մունը նշել է, որ ՄԱԿ–ը դեմ է մահապատիժներին՝ անկախ դրա հանգամանքներից։ Նա հիշեցրել է, որ միջազգային իրավունքի համաձայն՝ եթե մահապատիժն ամեն դեպքում որոշվում է կիրառել, դա կարող է արդարացված լինել միայն հատկապես ծանր հանցագործությունների դեպքում։ Թմրանյութերի հետ կապված խախտումները այդ դասին չեն պատկանում։
Բան Կի Մունը Ինդոնեզիայի նախագահին կոչ է արել վերանայել մահապատժի դեպքում մորատորիում հայտարարելու հնարավորությունը, իսկ հետագայում ամբողջությամբ չեղարկել այն։