Աֆղանստանում հատուկ ծառաայությունները կանխել են մի ահաբեկչություն, որը թալիբները ծրագրում էին երկրի հյուսիս արեւմուտքում Բադգիս նահանգի մարզադաշտում:
Ազգային անվտանգության վարչության աշխատակիցները մարզադաշտի մուտքի մոտ ձերբակալել են մի երեխայի, որի մարմնի վրա պայթուցիկ սարք էր ամրացված: «Ինտերֆաքսը», վկայակոչելով վարչությունը, հայտնում է, որ «Թալիբան» ահաբեկչական խմբավորման անդամ Աբդուլ Ազիզը 12-ամյա տղայի մարմնին ամրացրել էր ինքնաշեն պայթուցիկ սարք, որը պետք է գործի դրվեր հեռահար կառավարման վահանակի օգնությամբ քաղաքի Կալա –ե- Նաու քաղաքի մարզադաշտում անցկացվող մրցումների ժամանակ:
Աֆղանստանի հատուկ ծառայությունները նշում են, որ ահաբեկչական խմբերը հաճախ են երեխաներին օգտագործում երկրի տարածքում ահաբեկչություններ իրականացնելու համար:
Ավելի վաղ Քաբուլում ձերբակալվել էր մի 17-ամյա դեռահաս կամիկաձե, որին պատրաստում էին պետության մայրաքաղաքում ահաբեկչություն կատարելու համար, նաեւ մի 12-ամյա երեխա, որը պետք է ինքն իրեն պայթեցնել Ջալալաբադ քաղաքում մարդկանց ամբոխի մեջ:
