Ահաբեկչության մեջ կասկածանքով Ժնեւում կալանավորվել է Նորմանդիայում ահաբեկչություն կատարած երկու ֆրանսիացիներից մեկի ծանոթը, հայտնում է AFP–ը:
Գործակալությունը ճշգրտում է, որ «ահաբեկիչ Ադել Քերմիշի ծանոթի ձերբակալությունը իրականացվել է Ֆրանսիայի Սենթ-Էթյեն- դյու- Ռուվրե քաղաքում ահաբեկչությունից մի քանի օր առաջ»: Նա 17 տարեկան է, ֆրանսիացի ու ապրում էր Ռուանում, որը Սենթ – Էթյեն- դյու- Ռուվրե քաղաքի հարեւանությամբ է գտնվում:
Կալանավորվածը 2015-ին Քերմիշի հետ միասին արդեն ձեռնարկել էր Սիրիայում հայտնվելու փորձ՝ արմատական իսլամիստների կողմից մարտերին մասնակցելու համար: Նա հերթական անգամ փորձել է Սիրիա մեկնել հուլիսի 12-ին, ինչի հետեւանքով էլ հետագայում ձերբակալվել է Ժնեւում :
Շվեյցարիայի իշխանությունները երիտասարդին արտահանձնել են Ֆրասիային, որը մինչ այդ նրա կալանքի համար միջազգային օրդեր էր տարածել: Նրան մեղադրում են ահաբեկչական խմբավորում ստեղծելու մեջ: Ընդ որում քննությանը մոտ կանգնած աղբյուրները խոստովանում են, որ այս պահին ոչ մի ապացույց չի հայտնաբերվել Սենթ-Էթյեն- դյու- Ռուվրեում ահաբեկչության հետ նրա կապի մասին, հայտնում է ՏԱՍՍ-ը:
Հիշեցննենք, որ հուլիսի 26-ի առավոտյան Սենթ-Էթյեն- դյու-Ռուվրե քաղաքում երկու 19-ամյա ֆրանսիացիներ, դանակներով զինված, ներխուժել էին կաթոլիկ եկեղեցի ու սպանել 86-ամյա հոգեւորականին: Երկուսին էլ ոստիկանները ոչնչացրել էին: Հիմա կալանքի տակ երեք մարդ կա, որոնց կասկածում են ծրագրվող ահաբեկչության մասին իմանալու մեջ:
