Samsung-ը ներկայացրել է նոր Galaxy Note 7 սմարթֆոնը: Շնորհանդեսը տեղի է ունեցել օգոստոսի 2-ին Նյու Յորքում:
Այն ներկայացվել է չորս գույնով՝ սեւ, արծաթագույն, ոսկեգույն եւ երկնագույն: Սարքն ունի 64 գիգաբայթ հիշողություն՝ 256 գիգաբայթ լրացուցիչ քարտի հաշվին ընդլայնման հնարավորությամբ:
Նոր Galaxy Note-ն ունի Quad HD Super AMOLED 5,7-դյույմանոց էկրան, որը երկու կողմից կորացված է, եւ Galaxy S7-ի նման խցիկ: 3500 միլիամպեր/ժամ հզորությամբ մարտկոցն ապահովում է սարքի անլար լիցքավորումը:
Սարքն ունի աչքի ծիածանաթաղանթի սքանավորման տեխնոլոգիա, ինչպես նաեւ անվտանգության ապահովման համար՝ մատնահետքերի:
Մոդելը հագեցած է կատարելագործված էլեկտրոնային գրիչով՝ S Pen, որի ծայր 0,7 մմ է: Դրանից բացի, Galaxy Note 7-ը պաշտպանված է փոշուց եւ խոնավությունից: Դրա շնորհիվ սմարթֆոնը կարող է ջրի մեջ մնալ 30 րոպե, փոխանցում է Lenta-ն:
