Երեւանի Ազատության հրապարակում ուշացումով մեկնարկել է ի պաշտպանություն «Սասնա ծռեր» խմբի ամենօրյա հավաքը:
NEWS.am-ի թղթակիցը հաղորդում է, որ կազմակերպիչներից Գայանե Գասպարյանը կրկին հիշեցրեց, որ օգոստոսի 12-ին նախատեսվում են բողոքի ակցիաներ ԱՄՆ-ում, եվրոպական երկրներում եւ հորդորեց բոլորին այդ օրը ժամը 17:00-ին գալ Ազատության հրապարակ:
«Հիմնադիր խորհրդարանի» անդամ Հարություն Աղլամազյանն էլ հայտարարեց, որ «Սասնա ծռեր» խմբի անդամ Արայիկ Խանդոյանի եղբոր՝ Արարատ Խանդոյանի համար ստորագրահավաք է սկսվել Ազատության հրապարակում:
Նշենք, որ նախորդ օրերի պես Օպերային թատրոնի արտաքին լուսավորումն անջատված է։ Այս պահին դեռեւս հայտնի չէ՝ երբ կլինի, թե ոչ:
