ՀՀ վարչապետ Հովիկ Աբրահամյանը հանձնարարել է 2016-ին պետական բյուջեից 30 տոկոսով կրճատել գործուղումների համար հատկացվող միջոցները:
2016-ին Հայաստանի գերատեսչությունները գործուղումների համար կծախսեն 141.5 մլն դրամ: Ծախսերի այս եզրագիծը սահմանվել է օգոստոսի 18-ին Կառավարության նիստում:
Որոշման նախագիծը ներկայացրել է ՀՀ ֆինանսների փոխնախարար Ատոմ Ջանջուղազյանը:
Գործողումների համար ամենից շատ կծախսի Ոստիկանությունը՝ 50 մլն դրամ: Ֆիննախը կծախսի 16.5 մլն դրամ, Տրանսպորտի եւ կապի նախարարությունը՝ 15 մլն դրամ: ՊԵԿ-ը եւ ԱԳՆ «Պետական արձանագրությունների ծառայությունը»՝ 10-ական մլն դրամ, Աշխատանքի եւ սոցիալական հարցերի նախարարությունը՝ 7 մլն դրամ: Մշակույթի նախարարությունը կծախսի 6.2 մլն դրամ, Գյուղնախն ու Բնապահպանության նախարարությունը՝ 5-ական մլն, Սպորտի եւ երիտասարդության հարցերի նախարարությունը՝ 4 մլն, Էներգետիկայի եւ բնական պաշարների նախարարությունը՝ 3.7 մլն եւ Կրթության ու գիտության նախարարությունը՝ 3.6 մլն դրամ: