Թուրքիայի իշխանությունները երկրում հեղաշրջման փորձի հետաքննության շրջանակում ձերբակալել են Թուրքիայի արտգործնախարար Ահմեդ Դավութօղլուի նախկին անձնական խորհրդականին, հայտնում է Hurriyet-ը:
Թերթի տվյալներով, դիվանագետ Գյուրջան Բալիկին կասկածում են Ֆեթհուլլա Գյուլենի կազմակերպության հետ կապերի մեջ, վերջինիս մեղադրում են հեղաշրջման փորձի կազմակերպման համար:
Թուրքիայի ԱԳՆ-ն Բալիկին պաշտոնից հեռացրել է հուլիսի 26-ին: Բալիկն ավելի վաղ աշխատել է Թուրքիայի արտգործնախարարներ Ալի Բաբաջանի եւ Ահմեդ Դավութօղլուի ընդունարանի պետ, հետո դարձել է Դավութօղլուի անձնական քարտուղարը, որը արտաքին քաղաքական գերատեսչությունը գլխավորել է մինչեւ 2014-ի օգոստոսը, ինչից հետո վարչապետ է դարձել (հրաժարական է տվել 2016-ի մայիսին):
Հուլիսի 16-ի գիշերը Թուրքիայում մի խումբ ապստամբներ ռազմական հեղաշրջման փորձ են կատարել: Հիմնական դիմակայությունը ծավալվել է Անկարայում եւ Ստամբուլում: Թուրքիայի 246 քաղաքացի է զոհվել, չհաշված ապստամբներին, ավելի քան 2 հազար մարդ վնասվածքներ է ստացել, ապստամբությունը ճնշվել է: Թուրքիայի իշխանությունները քարոզիչ Ֆեթհուլլա Գյուլենին մեղադրել են հեղաշրջման փորձի համար եւ ԱՄՆ-ից նրա արտահանձնում են պահանջել: Ինքը` Գյուլենը դատապարտել է ապստամբությունը եւ հայտնել է, որ կապ չունի դրա հետ:
