Հայ ազգային կոնգրեսը չի նպաստել Հայաստանի ներսում իրավիճակի սրմանը, քանի որ պետականության կորստի կամ քաղաքացիական պատերազմի լուրջ վտանգ կար: Այս մասին այսօր՝ օգոստոսի 23-ին, լրագրողների հետ հանդիպման ժամանակ նշե է ՀԱԿ խմբակցության քարտուղար Արամ Մանուկյանը՝ անդրադառնալով հարցին, թե արդյոք ՀԱԿ-ը կիսում է իշխանափոխության՝ «Սասնա ծռերի» կողմից որդեգրած մեթոդը:
Նրա խոսքով, ՀԱԿ-ը չի ընդունում այդ մեթոդը. «Կան բոլոր հիմքերը ենթադրելու, որ ռիսկերն ու արտաքին մարտահրավերներն այնպիսին են, որ Հայաստանը կարող է հայտնվել աղետի սպառնալիքի շեմին: Մենք ոչնչով ապահովագրված չենք այդ իրադարձություններից, որոնք տեղի ունեցան Ուկրաինայում Վրաստանում, Մոլդովայում, Սիրիայում: Հայաստանն իրավունք չունի ռիսկտ ենթարկել ժողովրդի կյանքը սեփական երկրում: Մենք այդքան ուժեղ չենք, որ թելադրենք ուժեղներին»,-ընդգծել է Արամ Մանուկյանը՝ հավելելով, որ բռնությունը իշխանափոխության մեթոդ չէ:
Հիշեցնենք, որ «Սասնա ծռեր» խմբի անդամները հուլիսի 17-ին գրավել են ոստիկանության ՊՊԾ գունդը, եւ զենքը վայր են դրել հուլիսի 31-ին: