Բրիտանացի դերասանուհի Մեյսի Ուիլյամսը, որը «Գահերի խաղը» սերիալում կերտել է Արյա Սթարկի դերը, պատմել է 7-րդ եթերաշրջանից ունեցած տպավորությունների մասին: Նա Twitter-ում մի քանի հուզական գրառում է կատարել, հայտնում է Lenta-ն:
«Ես ձեր փոխարեն կսկսեի պատրաստվել արդեն հիմա»,- դիմել է դերասանուհին սերիալի երկրպագուներին: Սակայն շուտով ավելացրել է. «Մոռացեք, Աստվա՛ծ իմ, դրան անհնար է պատրաստվել»:
7-րդ եթերաշրջանի նկարահանումները կսկսվեն սեպտեմբերին, իսկ նոր սերիաների պրեմիերան պլանավորված է 2017-ի ամռանը: Դա կլինի նախավերջին եթերաշրջանը, եւ այն կունենա ոչ թե 10, այլ 7 դրվագ: