Ղրղզստանում՝ «Բիշքեք 2» երկաթգծային կայարանի տարածքում Ազգային անվտանգության պետական հանձնաժողովի «Ալֆա» հատուկ ստորաբաժանման աշխատակիցները ձերբակալել են միջազգային ահաբեկչական խմբավորումներից մեկի հետ կապերի մեջ կասկածվող մի քաղաքացու:
Նրա մոտից խուզարկության ժամանակ հայտնաբերել ու առգրավել են ատրճանակ, ՌԳԴ-5 նռնակ, պայթուցիկ սարքերի համար դետոնացիոն լարեր, 5.45 և 9 մմ տրամաչափի մարտական փամփուշտներ, ծայրահեղական բովանդակության գրականություն և ձայնասկավառակներ, նաև երեք բջջային հեռախոս:
Ղրղզստանի ԱԱՊԾ-ում հերքել են սոցցանցերում հայտնված տեղեկությունը՝ենթադրյալ ահաբեկչին ոչնչացնելու մասին ու հայտնել, որ ձերբակալվածը քննչական մեկուսարանում է գտնվում: Նրա նկատմամբ արդեն քրեական գործ է հարուցվել, հայտնում է «Ռոսիյսկայա գազետան»:
