Հայաստանում կչեղարկեն մի քանի վարորդներ ունեցող մեքենաների համար ԱՊՊԱ պայմանագրերում ապահովագրական սակագների հավելավճարները: Այս մասին օգոստոսի 24-ին լրագրողներին ասել է Վահան Ավետիսյանը, ներկայացնելով ԱՊՊԱ ոլորտում բարեփոխումների փաթեթը, որը ուժի մեջ է մտնելու սեպտեմբերի 1-ից:
Առայսօր ԱՊՊԱ պայմանագրերում մեքենայի սեփականատերը պետք է նշեր դրա լիազորված օգտատերերին: Սեպտեմբերի 1-ից դրա անհրաժեշտությունը կվերանա, ու ավտոմեքենայի սեփականատերը պետք է միայն անձամբ իրեն նշի:
Վարորդական պատմությունը, որը բյուրոն հավաքում է 2011-ից սկսած, ու դրանից բխող բարենպաստ ու ոչ բարենպաստ գործակիցները ( բոնուս- մալուս) արդեն թույլ են տալիս ապահովագրողին հետեւել յուրաքանչյուր կոնկրետ վարորդի, պարզաբանեց Ավետիսյանը:
Չնայած պայմանագրերում նման փոփոխություններ են ծրագրված՝ բայցեւայնպես դրանք վերակնքել պետք չէ՝ սեպտեմբերի մեկից փոփոխությունները ավտոմատ կերպով ուժի մեջ կմտնեն:
ԱՊՊԱ համակարգի կայունության ապահովման համար Ավտոապահովագրողների բյուրոն շարունակելու է վարել վարորդների վթարների վիճակահանություն: Դրա ընդհանրացված տվյալները կարելի է ստանալ օնլայն բյուրոյի կայքում (www.paap.am):
Նկատենք, որ մեքենան վարելու համար մի քանի վարորդների տրամադրելն առավելապես տարածված է հենց փոխադրամիջոցների ոլորտում ( մասնավորապես երթուղայինների ու տաքսիների): Ավելի վաղ ԱՊՊԱ պայմանագրում բազմաթիվ անձանց կողմից վարելու համար ուղղիչ գործակիցը հասնում էր առավելագույնի՝ 1.6-ի ( այսինքն 60 տոկոսով թանկացնում էր ԱՊՊԱ-ն):