Գերմանիայի Ներքին Սաքսոնիայի Օսնաբրյուկ քաղաքի երկաթուղային անցումում տեղի է ունեցել ճանապարհատրանսպորտային պատահար՝ բեռնատար գնացքի եւ դպրոցական ավտոբուսի մասնակցությամբ: Ուղեւորատար մեքենան չի հասցրել հատել երկաթուղային ճանապարհը, ինչի հետեւանքով գնացքը հարվածել է ավտոբուսի հետնամասին, հայտնում է Osnabrücker Zeitung-ը:
Հաղորդվում է, որ վթարի հետեւանքով տուժել է առնվազն երեք մարդ: Սակայն ոչինչ չի հաղորդվում վնասվածքների բնույթի, վիրավորների ճշգրիտ թվի եւ այն մասին՝ նրանք աշակերտներ են, թե ոչ: