Օգոստոսի 24-ին, ժամը 20.45-ին, շտապօգնության կայանից ոստիկանության Մուշի բաժնում ահազանգ է ստացվել, որ «գանգուղեղի փակ վնասվածք, պոլիտրավմա» ախտորոշմամբ հիվանդանոց է տեղափոխվել 33-ամյա քաղաքացուհի եւ հայտարարել, որ վնասվածքը ստացել է վրաերթի հետեւանքով:
Ոստիկանության մամուլի ծառայությունից NEWS.am-ին հայտնում են, որ նույն օրը, ժամը 22.00-ին, 22-ամյա տղամարդը հաղորդում է տվել, որ նույն օրը, ժամը 19.30-ի սահմաններում, Մուշ 2 թաղամասում իր վարած «ՎԱԶ-2107» մակնիշի ավտոմեքենայից հիշյալ քաղաքացուհին ոգելից խմիչք օգտագործած վիճակում հանկարծակի բացելով մեքենայի դուռը դուրս է նետվել ավտոմեքենայից եւ տեղափոխվել հիվանդանոց:
Քաղաքացուհուն տրվել է դատաբժշկի ուղեգիր:
Կատարվում է քննություն:
