News
Լրահոս
News
Երեքշաբթի
Մարտ 19
Տեսնել լրահոսը

Հայաստանի Ազգային վիճակագրական ծառայությունն (ԱՎԾ) օրերս հրապարակել է «Աղքատություն եւ պարենային ապահովություն, 2016թ. հունվար-հունիս» զեկույցը: Դատելով դրանում նշված տեղեկատվությունից՝ անցյալ տարի երկրի բնակչության մեկ շնչի հաշվարկով միջին դրամական եկամուտն աճել է ամսական 2.8 հազար դրամով կամ 5.7%-ով: Սակայն որոշ փաստեր միանգամայն հակառակ եզրակացության են հանգեցնում:

Նախ նշենք, որ հենց անցյալ տարի երկրի տնտեսության մեջ հետընթացի ակնհայտ նախանշաններ ի հայտ եկան: Օրինակ՝ ընթացիկ գներում մանրածախ առեւտրաշրջանառության ծավալը կրճատվեց գրեթե 8%-ով: Նման անկումը դժվար է բացատրել միայն արտագաղթով, չնայած դա նույնպես ազդեցություն է ունեցել: Ազդել է եւս մեկ՝ ավելի ծանրակշիռ գործոն. ֆիզիկական անձանց արտերկրից ստացվող դրամական փոխանցումների զգալի անկումը (Վիճծառայության զեկույցում այն նշվում է որպես «տրանսֆերներ»):

ԱՎԾ-ի վարկածով՝ 2014-2015 թվականներին բնակչության դրամական եկամուտներում տրանսֆերների մասնաբաժինը կրճատվել է՝ 12.4%-ից հասնելով 9%-ի: Բացարձակ արտահայտությամբ անկումը բնակչության մեկ շնչի հաշվարկով կազմել է ավելի քան 1.4 հազար դրամ կամ 23.3%: Սակայն, եթե հաշվի առնենք Հայաստանի Կենտրոնական բանկի տվյալները, դրամական փոխանցումների մասով պատկերն այլ է:

Եվ այսպես. 2014 թվականին դրամական փոխանցումների գումարը կազմել է ամսական միջինը 23 հազար դրամ՝ բնակչության մեկ շնչի հաշվարկով: Դա 3.7 անգամ գերազանցում է ԱՎԾ-ի նշած ցուցանիշը: Այսպիսով՝ բնակչության դրամական եկամուտներում տրանսֆերների տեսակարար կշիռը նշված տարում աճում է գրեթե 35%-ով: Այսինքն՝ եկամտի այս աղբյուրի նշանակությունը շատ ավելին է, քան ներկայացված է ԱՎԾ-ի տվյալներում:

Տրանսֆերների՝ նման բարձր մասնաբաժինը բացատրելը դյուրին է. որպես կանոն, հարուստ ընտանիքները (որոնք եկամտի հիմնական աղբյուրն ամենեւին էլ արտերկրից ստացվող օգնությունը չէ) հրաժարվում են մասնակցել ԱՎԾ-ի բյուջետային հետազոտություններին: Այդ պատճառով դրամական փոխանցումների հաշվին ապրող ընտանիքների տեսակարար կշիռն արհեստականորեն աճում է:

Անցյալ տարի բնակչության մեկ շնչի հաշվարկով դրամական փոխանցումների գումարը նվազել է՝ հասնելով ամսական 16 հազար դրամի (նախորդող տարվա համեմատ՝ ավելի քան 1.4 անգամ պակաս): Հիմք ընդունելով այս մեծությունը՝ կստացվի, որ անցյալ տարի բնակչության մեկ շնչի հաշվարկով ընդհանուր եկամուտը ոչ թե ավելացել է, այլ 4%-ով նվազել: Հաշվի առնենք, որ սա միջին մեծություն է եւ մեր հանրության մի հատվածի եկամուտներին հասցված լուրջ վնաս է թաքցնում:

Սմբատ Գրիգորյան

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. տուգանքի չափը կազմել է 52․45 մլն դրամ
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
PROFAL-ը և ML Mining-ը համագործակցության պայմանագիր են ստորագրել
Երկու ընկերությունների համագործակցությունը կիրականացվի «Այգիներ Պրեմիում», «Դալմա Հիլզ» և «Ադոնց Պրեմիում» նախագծերի շուրջ...
Կհստակեցվի սպանդային մթերքի և մսամթերքի մակնշման մեջ նշված սննդային արժեքի վերաբերյալ տեղեկությունը
Հանձնաժողովի խորհուրդը մինչև այդ փոփոխությունների ուժի մեջ մտնելը տրված կամ ընդունված սպանդային մթերքի և մսամթերքի համապատասխանության…
Ամենաշատ