Իտալիայի կենտրոնական մասում տեղի ունեցած երկրաշարժի հետեւանքով զոհվածների հուղարկավարությունը կանցնի օգոստոսի 27-ին, Մարկե շրջանում, սգո արարողությանը կմասնակցի Իտալիայի նախագահ Սերջո Մատարելան, հայտնում է Tgcom24 հեռուստաալիքը:
Հրաժեշտի արարողությունը կկայանա Ասկոլի- Պիչենո քաղաքի մայր տաճարում:
6:0 մագնիտուդով ուժեղ երկրաշարժ է տեղի ունեցել օգոստոսի 24-ի գիշերը Իտալիայի կենտրոնական մասում: Փլուզումներ են եղել երեք շրջաններում՝ Լացիո, Ումբրիա ու ՄԱրկե: Ցնցումները զգացվել են իտալական շատ քաղաքներում՝ այդ թվում Հռոմում, Ֆլորենցիայում ու Բոլոնիայում:
Վերջին պաշտոնական տվյալներով՝ տարերային աղետի հետեւանքով զոհվել է 267 մարդ, 387-ն էլ վնասվածքներ է ստացել ու հիմա հիվանդանոցում է: Ասկոլի Պիչենո նահանգում զոհվել է 49 մարդ: