Apple ընկերությունը մշակում է սոցցանցի համար իր սեփական հավելվածը Facebook, Snapchat եւ Instagram-ի հիմքով, հայտնում է Bloomberg–ը:

Apple-ի աշխատակիցների խոսքով նոր ծրագիրը թույլ է տալիս օգտատերերին ձայնագրել ու խմբագրել տեսահոլովակներ, կիրառել զանազան ֆիլտրեր ու արդյունքի մասին պատմել տարբեր օգտատերերի:

Նյութում հայտնել են, որ ձգտելով «առավելագույն օգուտ քաղել սոցցանցերի ժողովրդականությունից»՝ ընկերությունը թիրախավորել է երիտասարդ օգտատերերին, որոնք օրական 30-50 րոպե են ծախսում պոպուլյար հավելվածների վրա, որոնցից են Facebook, Snapchat եւ Instagram–ը: Տեսահոլովակների հետ աշխատանքի գործիքներից բացի մշակողները մտադիր են սոցցանցերին բնորոշ մի քանի գործառույթ հավելել: Օրինակ տարբեր օգտատերերի միջեւ շփման հնարավորություն: «Երկու ընկերները կկարողանան տեսնել միմյանց բոլոր տեքստային հաղորդագրությունները, էլեկտրոնային փոստը, տեսահոլովակները ու լուսանկարնները»,- ասում են Apple–ից:

Նոր հավելվածը հասանելի է լինելու AppStore–ում, կամ էլ թողարկվելու է որպես «խնձորային» գաջետների տեսախցիկներին կցված ավտոմատ հավելում: Ընկերության աշխատակիցների խոսքով սոցցանցում օգտագործվելու են քառակուսի տեսահոլովակներ, ինչպես Instagram–ում:

Դեռ անանուն հավելվածի մշակմանը մասնակցում է մի թիմ, որը ստեղծել է այնպիսի ծրագրեր, ինչպիսիք են Final Cut Pro եւ iMovie-ն: