Ֆրանսիայի Պետական խորհուրդը Վիլնյով Լյուբե քաղաքի ընդունած բուրկինիի արգելքն անօրինական եւ մարդու իրավունքների խախտում է ճանաչել: Այս մասին գրում է Lenta-ն՝ վկայակոչելով BFMTV հեռուստաալիքը:
Վճիռը վերաբերում է բուրկինին արգելած երեք տասնյակ քաղաքներից միայն մեկին: Սակայն սա կարող է նախադեպ դառնալ մնացյալ քաղաքների պարագայում նման որոշումների կայացման համար:
Վիլնյով Լյուբեում բուրկինիի արգելքի դեմ Պետական խորհուրդ բողոք էին ներկայացրել իրավապաշտպան երկու կազմակերպություններ՝ Մարդու իրավունքների լիգան (LDH) եւ Իսլամատյացության դեմ կոլեկտիվը (CCIF):