Երեւանի օդանավակայանում նախօրեին ձերբակալել են 30-ամյա Սերգեյ Միրոնովին, որի նկատմամբ ԱՄՆ հարցմամբ միջազգային հետախուզում է հայտարարված: Life-ի փոխանցմամբ, ամերիկյան իշխանությունները «ՏՏ ոլորտի մասնագետին կասկածում են զենքի առեւտրով զբաղվելու մեջ»
Միրոնովը միջազգային հետախուզման մեջ է գտնվում ԱՄՆ-ում: Նրան մեղադրում են զենքի առեւտրով զբաղվելու մեջ, այս մասին պորտալին պատմել է իրավապահ մարմիններում նրա աղբյուրը: Ըստ ստացված տվյալների ՝ Երեւանում դատարանը կորոշի նրան Ամերիկա արտահանձնելու մասին հարցը:
Հայտնի է, որ ձերբակալման պահին Միրոնովի հետ է եղել նաեւ նրա կինը: Հենց նա էլ Հայաստանում ՌԴ դեսպանատանը հայտնել է այն մասին, որ իր ամուսնուն ձերբակալել են օդանավակայանում: Ձերբակալված քաղացացուն տեսակցության են գնացել Հայաստանում ՌԴ դեսպանատան աշխատակիցները: Հայտնի է նաեւ, որ ԱՄՆ իշխանություններին արդեն տեղյակ են պահել, որ նրանց հարցմամբ ձերբակալվել է Սերգեյ Միրոնովը:
Սերգեյ Միրոնովի ընտանիքը արդեն նրա համար փաստաբան է վարձել: Հիմա նաեւ գտնվում է Երեւանում ԱԱԾ շենքում, որտեղ նրան հարցաքննում են:
