Անհայտ պատճառներով Թել Ավիվի Դավիթ Բեն Գուրիոնի անվան միջազգային օդանավակայանում ձերբակալվել են Վրաստանի 26 քաղաքացիներ, որոնք արդեն մեկ օր է մեկուսարանում են գտնվում: Այս մասին տեղեկությունը տարածել է «Ռուսթավի 2» հեռուստաընկերությունը՝ վկայակոչելով ձերբակալվածների հարազատներին ու մտերիմներին:
Հեռուստաընկերության տվյալներով, զբոսաշրջիկները, որոնք Վրաստանից Իսրայել էին ուղեւորվում, ուխտագնացներ էին, օդանավակայանում նրանց իրավապահները ձերբակալել են ու նրանցից վերցրել անձնագրերը ու բջջային հեռախոսները, հայտնում է «Սպուտնիկ Վրաստանը»:
