Մենք թույլ չենք տա, որ մեր պատմության հետ անարդարացիորեն խաղան։ Նման հայտարարություն է արել Թուրքիայի ԱԳ նախարար Մեւլութ Չավուշօղլուն՝ պատասխանելով Ինջիրլիքի ռազմաբազա գերմանացի պատգամավորների հնարավոր այցի մասին հարցին։
Թուրքական Haberturk–ի փոխանցմամբ՝ Թուրքիայի ԱԳ նախարար Մեւլութ Չավուշուշօղլուն մամուլի ասուլիսի ժամանակ հայտարարել է, թե գերմանացի պատգամավորների այցը Թուրքիայում գտնվող Ինջիրլիքի ռազմաբազա կապված է Հայոց ցեղասպանությունը ճանաչող բանաձեւի հետագա ճակատագրից։
«Եթե Գերմանիան անհրաժեշտ քայլեր անի, մենք կապահովենք այցը։ Հակառակ դեպքում մենք թույլ չենք տա մեր պատմության հետ անարդարացիորեն խաղացողներին այցելել մեր համար զգայուն շրջաններ»,–ասել է Չավուշօղլուն։
