Ադրբեջանը դիտարկում է իրանական գազն իր տարածքով Եվրոպա տարանցելու հնարավորությունը, հայտնել է Ադրբեջանի էներգետիկայի փոխնախարար Նաթիգ Աբբասովը Էներգետիկական տնտեսության վերաբերյալ միջազգային համաժողովի ընթացքում, հայտնում է Թրենդը:
Փոխնախարարի խոսքով, դա Իրանն Անդրադրիատիկյան գազատարին (TANAP) միացնելու հնարավոր ուղի կլինի: Աբբասովը չի բացառել նաեւ իրաքյան գազն Ադրբեջանով Եվրոպա տեղափոխման հնարավորությունը:
TANAP-ը նախատեսում է ադրբեջանական «Շահ Դենիզ» հանքավայրի գազը վրաց-ադրբեջանական սահմանից տեղափոխել մինչեւ Թուրքիայի արեւմտյան սահման: Գազը Թուրքիա կհասնի 2018 թվականին, իսկ Անդրադրիատիկյան գազատարի (ԱԱԳ) շինարարության ավարտից հետո գազը Եվրոպա կհասնի մոտավորապես 2020 թվականի սկզբին:
