ԱՄՆ նախագահ Բարաք Օբաման Չինաստանում G20-ի գագաթաժողովի ընթացքում կհանդիպի Թուրքիայի նախագահ Ռեջեփ Թայիփ Էրդողանին: Այս մասին գրում է Reuters-ը:

Սպիտակ տան ներկայացուցիչ Բեն Ռոդսի տեղեկացմամբ՝ հանդիպումը ծրագրված է սեպտեմբերի 4-ին:

Նրա խոսքով՝ հանդիպման ընթացքում Օբաման կքննարկի Թուրքիայում վերջերս տեղի ունեցած ռազմական հեղաշրջման փորձը, ԻՊ-ի դեմ արշավը, Սիրիայում կայունության հաստատման եւ փախստականների ճգնաժամի հարցեր: