Կարմիր Խաչի միջազգային կոմիտեն (ԿԽՄԿ) բավարար չափով չի կատարում իր պարտականությունները, ինչի վկայությունն էլ Ադրբեջանում հայ գերի Մանվել Սարիբեկյանի մահն է, Երեւանում կայացած մամուլի ասուլիսում հայտարարել է ՀՅԴ Հայ Դատի եւ քաղաքական հարցերի գրասենյակի ղեկավար Կիրո Մանոյանը:
Նա նկատել է, որ ԿԽՄԿ աշխատանքի անորակության մասին ինքը հիշատակել է նաեւ ադրբեջանցի լրագրողների հետ զրույցում, երբ իրեն հարցրել են ադրբեջանցի զինծառայող Մուբարիզ Իբրահիմովի դիակի վերադարձման հնարավորության մասին:
«Երբ ադրբեջանցի լրագրողները ինձ հարցրին Իբրահիմովի դիակի վերադարձման հնարավորության մասին, ես միայն բարձրաձայնեցի Լեռնային Ղարաբաղի հայտարարությունը եւ ասացի, որ Իբրահիմովի դին գտնվում է չեզոք գոտում, դուք կարող եք այն վերցնել ԿԽՄԿ աջակցությամբ: Իսկ քանի որ դա տեղի չի ունեցել, ԿԽՄԿ-ն չի կատարում իր պարտականությունները»,- պարզաբանել է Մանոյանը: