News
Լրահոս
News
Երեքշաբթի
Մարտ 19
Տեսնել լրահոսը

Գերմանիայի խորհրդարանում Հայոց ցեղասպանության վերաբերյալ բանաձեւի ընդունումը երկարատեւ եւ բազմակողմանի աշխատանքի արդյունք էր: Այս մասին, այսօր՝ օգոստոսի 30-ին, ՀՀ ԱԺ սոցիալական հարցերի մշտական հանձնաժողովի նախագահ Հակոբ Հակոբյանի հետ հանդիպման ժամանակ նշել է Գերմանիայի Բունդեսթագի պատգամավոր, Բունդեսթագի աշխատանքի եւ սոցիալական հարցերի հանձնաժողովի անդամ, գերմանա-հայկական ֆորումի նախագահ Ալբերտ Վայլերը:

ԱԺ-ից NEWS.am-ին հայտնում են, որ ողջունելով հյուրին Հայաստանի Ազգային Ժողովում՝ Հակոբ Հակոբյանն իր խորին երախտագիտությունն է հայտնել Գերմանիայի ժողովրդին եւ անձամբ Ալբերտ Վայլերին՝ Գերմանիայի խորհրդարանի կողմից Հայոց ցեղասպանության ճանաչման բանաձեւի ընդունման առնչությամբ։

Նշենք, որ Հայոց ցեղասպանության ճանաչման բանաձեւի ընդունման գործում իր մեծ ներդրումն է ունեցել Ալբերտ Վայլերը։ Բունդեսթագի պատգամավորը շնորհակալություն հայտնելով ջերմ ընդունելության համար՝ նշել է, որ բանաձեւի ընդունումը երկարատեւ ու բազմակողմանի աշխատանքի արդյունք էր։

Հյուրի առաջարկով քննարկվել են ՀՀ-ում աշխատաշուկային, սոցիալական ոլորտի վրա սահմանադրական բարեփոխումների ազդեցությանը վերաբերող եւ այլ հարցեր:

Հակոբ Հակոբյանը ներկայացրել է սոցիալական ոլորտում առկա օրենսդրական բարեփոխումները, առաջիկա ծրագրերը։ Սոցիալական բնագավառի զարգացման գործում հանձնաժողովի նախագահը կարեւորել է կուտակային կենսաթոշակային համակարգի ներդրումը։ Կարեւորվել է նաեւ անապահով խավին աշխատանքի դիմաց ֆինանսավորման իրականացումը՝ գումարային աջակցության հատկացումների փոխարեն, ինչն իր հերթին նպաստում է գործազրկության կրճատմանն ու մարդկանց կայուն աշխատանքով ապահովելուն։

Հակոբ Հակոբյանը նշել է, որ ամեն ինչ արվում է օրենսդրական բարեփոխումներով երիտասարդության զբաղվածության հարցը լուծելու համար։ Նա կարեւորել է նաեւ համայնքների զարգացման հարցը, որի լուծմանը նպաստում են այս ոլորտում կառավարության իրականացրած ծրագրերը։

«Տնտեսության համընթաց զարգացումը կբերի սոցիալական ոլորտում առկա բազմաթիվ խնդիրների լուծմանը», -նշել է ԱԺ սոցիալական հարցերի մշտական հանձնաժողովի նախագահը։

Բունդեսթագի պատգամավորը, ներկայացնելով գերմանական փորձն այս բնագավառում, նշել է, որ ժամանակին իրենց առջեւ նույնպես ծառացած են եղել նմանօրինակ խնդիրներ, որոնք հաջողվել է լուծել համակողմանի աշխատանքի արդյունքում։

Ալբերտ Վայլերը կարեւորել է գերմանա-հայկական տնտեսական հարաբերությունների զարգացումը, դրանում նաեւ երկու երկրների խորհրդարանների դերն ու նշանակությունը։ Նա նշել է, որ «միմյանցից սովորելու շատ բան ունենք»։

Հանդիպման ընթացքում քննարկման առարկա են դարձել նաեւ այլ ոլորտներին առնչվող բազմաթիվ հարցեր։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքական դատարանը «Հայոց ցեղասպանություն» արտահայատությունը խոսքի ազատության մեջ է դիտարկել
Դիարբեքիրի փաստաբանների պալատի նախկին նախագահի եւ անդամների կողմից կազմակերպված Հայոց ցեղասպանության տարելիցի նվիրված հիշատակի միջոցառմանը...
Կիպրոսի ԱԳ նախարարը հարգանքի տուրք է մատուցել Հայոց ցեղասպանության զոհերի հիշատակին
Այնուհետև նախարարն այցելել է Հայոց ցեղասպանության թանգարան-ինստիտուտ...
Եթե Թուրքիան դեռ չի բացել արխիվները, ապա ինչպե՞ս են դրանք հասանելի դարձել հայտարարություն անողին. Գևորգ Դանիելյան
Քարոզչամեքենան իբր այնքան մեծ հաջողություններ է գրանցել, որ որոշել են, թե իբր…
Թուրքիան պետք է հայերից ներողություն խնդրեր 1915–ի համար. Թուրքիայի նախկին փոխվարչապետ
Իմ պաշտոնավարման օրոք Թուրքիան առաջին երկրներից է, որ ճանաչեց Հայաստանի անկախությունը...
Նիկոլաոս Դենդիասը հարգանքի տուրք է մատուցել Հայոց ցեղասպանության զոհերի հիշատակին
Մարտի 4-ին Հունաստանի ազգային պաշտպանության նախարար Նիկոլաոս...
Բրիտանացի խորհրդարանականներն այցելել են Ծիծեռնակաբերդի հուշահամալիր
Հյուրերը ծաղկեպսակ են դրել ու ծաղիկներ խոնարհել Հայոց ցեղասպանության…
Ամենաշատ