Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը մերժել է զանգվածային անկարգություններին մասնակցելու մեջ մեղադրվող եւ կալանավորված Արարատ Խանդոյանի խափանման միջոցը փոխելու եւ գրավով փոխարինելու միջնորդությունը։
Նիստից հետո Արարատ Խանդոյանի պաշտպան Արա Ղարագյոզյանը լրագրողների հետ զրույցում նշեց, որ իր պաշտպանյալի նկատմամբ ակնհայտ քաղաքական հետապնդում է իրականացվում։ Փաստաբանը պատրաստվում է բողոքարկել դատարանի որոշումը։
Դատարանի մոտ էին հավաքվել Խանդոյանի մայրը, ընկերները՝ իրենց աջակցությունը հայտնելու նրան։
Արարատ Խանդոյանը «Սասնա ծռեր» խմբի անդամ Արայիկ Խանդոյանի՝ «Միայնակ Գայլի» եղբայրն է: