Ռուս-թուրքական հարաբերությունների ջերմացումը չի վնասի Հայաստանի շահերին: Այս մասին, այսօր՝ օգոստոսի 31-ին, լրագրողների հետ հանդիպման ժամանակ նշել է ԱԺ ՀՀԿ խմբակցության պատգամավոր Շիրակ Թորոսյանը:
Իրականում, նրա խոսքով, Հայաստանը գտնվում է ավելի շահեկան վիճակում, քան 1918-1920 թվականներին. «Այսօր իրավիճակը նման լինելով, միաժամանակ արմատապես տարբերվում է: Հայաստանն ունի ուժեղ բանակ, Հայաստանը Ռուսաստանի համար կարեւոր ռազմավարական նշանակություն ունեցող երկիր է»,-պարզաբանել է Թորոսյանը:
Պատգամավորն ընդգծել է, որ ռուս-թուրքական հարաբերությունների ջերմացումը միշտ էլ կարճ է տեւում. «Ռուսաստանը կարճաժամկետ խնդիրներ է լուծում, ապա վերադառնում է իր երկարատեւ ռազմավարական շահերին»,-հավելել է նա: