Ռուսաստանը կվերսկսի ու կզարգացնի երկխոսությունը Թուրքիայի հետ հակաահաբեկչական գործողությունների ոլորտում: Այս մասին հայտարարել է Ռուսաստանի ԱԳՆ նոր մարտահրավերների ու սպառնալիքների դեպարտամենտի տնօրեն Իլյա Ռոգաչեւը:
Նրա խոսքով, «անհրաժեշտ է խոսել, այդ թվում ներկա հանգամանքների մասին, նախեւառաջ դիվանագիտական ուղղությամբ»: «Քաղաքական որոշումներ են ընդունվել, եւ իհարկե, մենք պետք է, անկասկած, սկզբում վերսկսենք, իսկ հետո նաեւ զարգացնենք ու խորացնենք երկխոսությունը հակաահաբեկչական գործողությունների հարցում, որը Թուրքիայի հետ որոշ ժամանակ առաջ իրականացվում էր: Դա առավելեւս կարեւոր է՝ հաշվի առնելով, որ բոլոր դեպքերում մենք Թուրքիային շատ հարցեր ունենք»,-ասել է ռուս դիվանագետը: