ՀՅԴ խմբակցության քարտուղար Աղվան Վարդանյանը 99,9 տոկոսով վստահ է, որ նոր վարչապետը Կարեն Կարապետյանն է լինելու: Այս մասին նա նշել է այսօր՝ սեպտեմբերի 8-ին, Ազգային ժողովում լրագրողների հետ զրույցում:
Հարցին, թե ինչ փոփոխություններ կամ բեկում է սպասվում, որը Հովիկ Աբրահամյանը չկարողացավ իրագործել, Աղվան Վարդանյանը պատասխանեց. «Կա երեք հիմնարար փաստաթուղթ՝ Սահմանադրությունը, փետրվարի 12-ին նախագահի ելույթը եւ ՀՅԴ-ՀՀԿ համաձայնագիրը: Այնտեղ ձեւակերպված խնդիրները, առաջադրանքները, եթե հետեւեք, կտեսնեք, որ երկրում փոփոխություններ անելու հիմքերն են դրված, որն իրականացնելու համար խորապես համոզված եմ՝ անհրաժեշտ էր նոր մոտեցումների ունակ հասարակությանը համախմբող կառավարություն ստեղծել»:
Հիշեցնենք, որ Հովիկ Աբրահամյանը սեպտեմբերի 8-ին հրաժարական է ներկայացրել:
