Էստոնիայում հայտնաբերել են Նիկոլայ Տարանկովի դիակը, որին համարում են երկրի հանցավոր աշխարհի առաջնորդը: Այս մասին գրում է Lenta-ն՝ վկայակոչելով ERR-ը:
Իրավապահ մարմինների ներկայացուցիչը հաստատել է սպանության փաստը: Կենտրոնական քրեական ոստիկանության ղեկավար Քրիստա Աասի խոսքով՝ 63-ամյա Տարանկովի մարմինը՝ գլխի շրջանում վնասվածքով, հայտնաբերել են անտառում կայանված ավտոմեքենայում:
Իրավապահները, սակայն, չեն հաղորդում մարդասպանի անունը: ERR-ի աղբյուրի փոխանցմամբ՝ Տարանակովի սպանությունն անսպասելի չէր: Հանցավոր հանրության առաջնորդի դիրքերը վերջին շրջանում թուլացել էին: «Եվ ինչ-որ մեկը որոշել է օգտվել առիթից: Հիմա ազդեցության ոլորտների վերաբաշխում է տեղի ունենում»,- հավելել է աղբյուրը: