Կոնգոյում ոստիկանությունը կրակ է բացել ցուցարարների ուղղությամբ, ի պատասխան՝ բողոքի ակցիայի մասնակիցները Լինչի դատաստանի են ենթարկել ոստիկանին եւ այրել նրան: Այս մասին գրում է Reuters-ը՝ վկայակոչելով ականատեսներին:
Բողոքի ակցիաները Կոնգոյի գործող նախագահ Ջոզեֆ Կաբիլայի դեմ են: Ականատեսները գործակալությանը պատմել են, որ ոստիկանները կրակ են բացել ամբոխի ուղղությամբ, մեկն էլ տեսել է, թե ինչպես են ցուցարարներն այրում ոստիկանի մարմինը:
Ակցիայի մասնակիցները պատռում են Կաբիլայի լուսանկարները՝ բղավելով. «Քեզ համար ամեն ինչ ավարտված է», «Մենք չենք ուզում քեզ»: Հաղորդվում է նաեւ մի քանի ակտիվիստի վիրավորվելու մասին:
