Ուկրաինայի Գերագույն Ռադան անօրինական է ճանաչել Ռուսաստանի Պետդումայի ընտրությունները, նրա նոր կազմը եւ որոշումները: Համապատասխան որոշումն ընդունվել է Ղրիմում անցկացված քվեարկության պատճառով: Ընտրությունների օրինականությունը չճանաչելու վերաբերյալ փաստաթղթին հավանություն է տվել Ուկրաինայի 264 ժողովրդական պատգամավոր:
Որոշման օգտին քվեարկել է «Պյոտր Պորոշենկոյի բլոկ» խմբակցության 106 պատգամավոր, «Ժողովրդական ճակատի» 74 պատգամավոր, «Սամոպոմոչի»-ի 23 պատգամավոր, Արմատական կուսակցությունից 18 պատգամավոր, «Բատկավշչինայից» 15 պատգամավոր, չորս պատգամավոր «Ժողովրդի կամք» խմբից, մեկը` «Վիրոժդեննյա» խմբից, ինչպես նաեւ 23 անկախ պատգամավոր: Փաստաթղթի օգտին չի քվեարկել «Ընդդիմադիր բլոկ»-ի ոչ մի պատգամավոր, հայտնում է ՈՒՆԻԱՆ-ը:
